Ikastetxeko Eskola Kontseilua - CP Mendigorría - Ikasnova

Eskola Kontseilua hezkuntza-komunitatea osatzen duten sektoreek ikastetxearen kontrolean eta kudeaketan parte hartzeko organoa da.

Eskola Kontseilua honako kide hauek osatzen dute:

a) Ikastetxeko zuzendaria, lehendakaria izango dena: Marian Marzo.

b) Ikasketaburua: Uxue Imirizaldu.

c) Udaleko zinegotzia edo ordezkaria: Naiara Azkoitia.

d) Klaustroak aukeratutako irakasleak, gutxienez kontseiluko kide guztien herena: Esther Royo, Berta Arizkun eta Maite Latasa.

e) Ikasleen gurasoak, beren artean aukeratuak, Kontseiluko kide guztien herena gutxienez: Otxando Irurtia, Nerea Arizala eta Myriam Zabalza.

f) Ikastetxeko idazkaria: Eva Crespo. Kontseiluko idazkaria izango da, eta hitza izango du, baina botorik ez.


Nolanahi ere, ikastetxe bakoitzeko Eskola Kontseiluak jaso behar duen pertsona-kopurua ikasle-kopuruarekiko proportzionala izango da, eta argi eta garbi ezarrita dago indarrean dagoen araudian.

Ikastetxeko Eskola Kontseiluak honako eskumen hauek izango ditu:

a) Zuzendaritza-taldeari ikastetxearen urteko programazioari buruzko proposamenak egitea eta hezkuntza-proiektua onartzea, irakasleen klaustroak irakaskuntzaren plangintzari eta antolamenduari buruz dituen eskumenak alde batera utzi gabe.

b) Administrazio eskudunak eskatuta, zentroaren funtzionamenduari eta haren jarduerarekin lotutako beste alderdi batzuei buruzko txostenak egitea.

c) Ikasleak onartzeko prozesuan parte hartzea eta prozesu hori lege honetan eta lege hau garatzen duten xedapenetan ezarritakoaren arabera egiten dela zaintzea.

d) Ikastetxearen barne-araudia onartzea.

e) Diziplina-gatazken ebazpenaren eta zehapenen ezarpenaren berri izatea, eta horiek indarrean dagoen araudia betetzen dutela zaintzea.

f) Ikastetxearen aurrekontu-proiektua eta haren likidazioa onartzea.

g) Eskolako instalazioen eta ekipoen kontserbazioa eta berrikuntza sustatzea.

h) Beste ikastetxe, erakunde eta organismo batzuekin lankidetzan aritzeko jarraibideak proposatzea, hezkuntza- eta kultura-helburuetarako.

i) Ikastetxearen funtzionamendu orokorra, eskola-errendimenduaren bilakaera eta hezkuntza-administrazioak ikastetxearen gainean egiten duen ebaluazioaren emaitzak aztertzea eta baloratzea.

j) Zuzendaritza-taldeko kideen izendapenari eta kargu-uzteari buruzko proposamenaren berri ematea hezkuntza-administrazioari.

k) Ikastetxeko bizikidetzaren aldeko neurriak eta ekimenak proposatzea.

l) Hezkuntza-administrazioak esleitzen dion beste edozein eginkizun.

Eskola Kontseilua gutxienez hiru hilean behin bilduko da, eta zuzendariak deitzen duen guztietan edo gutxienez kideen heren batek eskatzen duenean. Nolanahi ere, nahitaezkoa izango da, gainera, bilera bat ikasturte hasieran eta beste bat ikasturte amaieran. Kide guztiek nahitaez joan behar dute bilkuretara.

Eskola Kontseiluko kideak aukeratzeko prozedura ikasturteko lehen hiruhilekoan gauzatuko da. Eskola Kontseilua bi urtean behin berrituko da, txandaka.

Hezkuntza-komunitateko kideak dagokion sektoreak bakarrik aukeratu ahal izango ditu, eta sektore horietako bakar bat ordezkatzeko hautagai izan ahal izango dira, nahiz eta sektore bat baino gehiagokoak izan. Hautaketa-prozedura antolatzeko, hauteskunde-batzorde bat eratuko da ikastetxe bakoitzean.